Kêng măng (25/9), tâm rnôk hăn khâl n’hanh pah kan ta Việt Nam, Kruanh Quốc hội N’gâng kan ƀon lan Cuba Esteban Lazo Hernandez hŏ tât khâl Nhih dak si Hữu nghị Việt Nam-Cuba Đồng Hới ta n’gor Quảng Bình.

Kruanh Quốc hội Esteban Lazo Hernandez hŏ n’hơr an kao si ta ndah rup Fidel Castro tâm rnôk hăn khâl nhih dak si Hữu nghị Việt Nam – Cuba Đồng Hới, nkoch bri đah ăp nuĭh ji dôl gŭ săm ta aơ, khâl khoa Nhi n’hanh pă nklâm ndơ an ăp kon se dôl gŭ săm ta nhih dak si. nkoch bri ndrel nuĭh ji dôl bĭch săm ta nhih dak si dja, Kruanh Quốc hội N’gâng kan ƀon lan Cuba nkah tay trong hăn khâl kăl e bah Kruanh Fidel Castro tâm nkual rklaih luh, ăp nău rŏng njuăl tât ƀon lan Việt Nam. Kruanh Quốc hội N’gâng kan ƀon lan Cuba lah rjăp, Nhih dak si Hữu nghị Việt Nam - Cuba Đồng Hới mbro mbrăng lah nău ntĭt bah nău tâm rnglăp đah bar dak Việt Nam-Cuba.