Tât khâl di tích lịch sử ngih dak dŭt khlăy Đôi bờ Hiền Lương - Bến Hải, kruanh Quốc hội n’gâng kan ƀon lan Cuba ndrel đah mpôl đại biểu gâl têh Cuba lĕ tâm ngơi đah cán bộ, ƀon lan ta ntŭk, uănh n’ha cờ ngih dak Việt Nam ntô̆ n’hao ta nkual trôk Hiền Lương.

Tâm ngơi đah ăp oh mon kon hoc ta  ntŭk Hiền Lương, kruanh Quốc hội n’gâng kan ƀon lan Cuba ndrel đah mpôl đại biểu gâl têh Cuba lĕ ndrel nkah tay ta rơh tât khâl bâh nuĭh leo kan Cuba Fidel Castro tât nkual rklaih đăp mpăn Quảng Trị, tât khâl âk ntŭk rnôk nkual neh aơ hôm nha  têl nsiu rtoh phao n’hanh âk ndrak bom. Kruanh Quốc hội n’gâng kan ƀon lan Cuba lĕ kơp dơn nchih tay ăp nău mĭn nơm ta rơh tât khâl Quảng Trị rơh aơ tâm nău nchih ndrăy ta Bảo tàng nkual di tích lịch sử ngih dak Đôi bờ Hiền Lương- Bến Hải.

- Nhạc cắt -