Kêng măng 8/9, ta Jay Quốc hội, Kruanh Quốc hội Vương Đình Huệ hŏ mâp  măt Mpôl tahen cách mạng geh bu nkông, krŭng n’gor Nghệ An. Lah ta rơh mâp măt, Kruanh Quốc hội Vương Đình Huệ rnê âk trong nchrăp bah n’gor Nghệ An ký n’glêh an njêng mpôl.

Kơp ntơm bah rnôk njêng ngăn tâm năm 2009, Mpôl tahen cách mạng geh bu nkông, krŭng n’gor Nghệ An hŏ  rgum, rdâk nkah tay mpôl kan dja rdâk njêng nar lơn ma âk dăng. Đah nău way ơm “Ngêt dak, nkah gĭt tu tơm”, way nchih nkah nuĭh geh n’hâm suan đah cách mạng, Kruanh Quốc hội lah rjăp, Đảng, Ngih dak he nkah gĭt n’hanh uănh khlay tât ăp nuĭh geh n’hâm suan cách mạng, tâm nê geh ăp tahen ơm cách mạng geh bu nkông, krŭng. Let năp tay, Kruanh Quốc hội Vương Đình Huệ ŭch rŏng, ăp hội viên ntô̆ n’hao tay nău way ơm cách mạng rôih tĭng du trong sŏng di, mô dơi plơ̆ rŭch tâm rlăch  ndăng, đăp dêh, blău ƀư mhe tâm pah kan jan sa; grêt tĭng du trong, nău ŭch tât bah mpôl kan, ntô̆ n’hao tay nău  way ơm cách mạng, bun dăp nău tâm rŏng ndrel tahen, tâm kơl  nsum rdâk njêng nău rêh rgop rdâk njêng n’gâng kan mât njrăng neh dak./.