Ôi 26/2, ta Ngih Quốc hội, Hội đồng Săch Quốc hội ƀư Rƀŭn nchră trực tuyến lam dak mbơh ƀư trong kan săch đại biểu Quốc hội khóa 16 n’hanh HĐND ăp gưl năm kan 2026-2031, boăt nthoi tât 34 ntŭk ƀoh ăp n’gor, nkual ƀon têh. Ntoh ngơi ntĭm rđău, Kruanh Quốc hội Trần Thanh Mẫn lah rjăp, trong kan nchrăp tât aƀaơ ntơm di ngăch, di nău ntrŭnh pháp luật, mbơh ƀư rĭng, rjăp.

Âk n’gor, nkual ƀon têh ƀư uĕh, mbơh ngăch kơt Thái Nguyên, Bắc Ninh, Hà Nội, Hải Phòng, Lạng Sơn, Đà Nẵng, Lâm Đồng, Dak Lak, An Giang. Kruanh Quốc hội lah N’gâng kan Nội vụ n’hao uănh nđôi, groi uănh nău in phiếu săch, samƀŭt nkoch săk n’hanh bôk nău kan bah ăp nuĭh săch, mô an geh tih; ntrôl dăng kơt dŏng công nghệ thông tin, âk ntil; trong mâp nuĭh ƀon lan, kơl lor trực tuyến gay pơk hvi nuĭh râng. Nar tât, đă n’gluh an mô an thơ tha, ƀư uĕh ăp rƀŭn nchră mâp nuĭh ƀon lan, đăp mpăn ƀon lan ƀư tơm, tâm ban, di luật.