Jêh ƀư wơt, ta Cung Ngih dak, Kruanh Quốc hội Trần Thanh Mẫn lĕ ký ndrôm samƀŭt Bu năch dơi lap. Kruanh Quốc hội lah rjăp, tâm boh dăch dêh way ơm Việt Nam-Mông Cổ yor Kruanh Hồ Chí Minh n’hanh ăp rơh kruanh 2 dak rrgum soan ndâk njêng n’hanh mât lĕ rlău 70 năm hun hao ueh lăng.

Lơn lah, nău 2 dak ndâk njêng tâm boh Kan ndrel lĕ rngôch lĕ pơk luh lvang kan ndrel mhe ngăn ngên, săk rnglăy n’hanh lĕ rngôch ta ăp ntil nău. Kruanh Quốc hội mĭn lah, Quốc hội Việt Nam uănh khlay mro n’hanh nchrăp đah Quốc hội Mông Cổ n’hao tâm rgâl mpôl kan, tâm rgop đah ăp Ủy ban way kan, Rmôt Nghị sĩ hữu nghị n’hanh nghị sĩ mom; rgop nâp nâl nsing nơm chính trị, ntrôl kan ndrel wăng sa-tăch rgâl, ntuh kơl, văn hóa, ntĭm nti n’hanh tâm nđŭr nuĭh ƀon lan yor nău geh bah nuĭh ƀon lan 2 dak, yor đăp mpăn, tâm rnglăp n’hanh hun hao ta nkual n’hanh lam ntŭr neh.