Ntoh ngơi ta narr pah kan, Kruanh Quốc hội đă, mât uănh jru, gĭt nu nău ăp nău ntrŭnh bah Đảng, nău kơl, pháp luật bah Ngih dak mpeh tahen, mât njrăng bri dak; uănh khlay “Trong mât njrăng neh dak tâm nu nău mhe “Trong kan hun hao nâp nâl wăng sa dak lêng Việt Nam tât năm 2030, uănh tât năm 2045”; mât njrăn ƀư tơm dak lêng, gôl dak.

Kruanh Quốc hội nsing nơm lah, đah nău way “Tâm lơh janh dăng, ngăch prăl ƀư mhe, ƀư tơm nkual dak lêng, nsrôih lơh dăng”, đah mpŏng ŭch n’yhanh nsrôih têh, lĕ đah nău kan têh, cán bộ, tahen Hải quân mbra tâm rnglăp tay, rgâl mhe, mĭn ƀư mhe, rŭn hao êng, rlet rlău ăp jêr jŏt, lôch jêh ueh ăp nău kan.