Măng 20/10, ta nkuăl ƀon têh Sơn La hŏ geh ƀư Lễ hội Cà phê n’gor Sơn La tal bôk năp năm 2025. Kruanh Quốc hội Vương Đình Huệ râng lễ hội. Aơ lah nau kan geh nau khlay, lah rnôk gay n’gor Sơn La ndrel n’gor Tây Bắc mbơh, nkoch cà phê Arabica, ryơk nŭih tăm, ê nkra, tăch rgâl ndrel tăch luh cà phê, rgop nau hun hao nkual tăm cà phê Arabica geh nau dơi prêh, nâp nâl. Rnôk aơ, ntil Cà pê Sơn La hŏ geh tăch tât 20 dak tâm EU, Bắc Mỹ, Trung Đông ndrel ăp dak ASEAN đah rnoh tăch rvăt đăp mpăn tâm rnoh khlay, rgop nau leo nau săk geh bah nŭih tăm, nŭih ê nkra, pă tay kan pah, rgop nau leo tât nau kan ê nkra tĭng nau n’hao nau nâp ndrel rnoh geh cà phê ta Sơn La.

Di khay kơl an nŭih ach o năm 2023, Kruanh Quốc hội Vương Đình Huệ ndrel rmôt hăn kan hŏ bonh đă, rgop kơl an bah ăp nŭih geh nau kơl an geh rlau 100 ngih gŭ gay ma kơl an ân nŭih ach o geh nau rêh jêr jŏt ngăn mpeh ngih tâm n’gor Sơn La. Bah năp nê, Kruanh Quốc hội Vương Đình Huệ ndrel rmôt hăn kan tât mpoh kthup, leo nkao tât Ngih ôp brah Wa Hồ-Quảng trường Tây Bắc, n’gor Sơn La./.