Ta rơh kahgĭt, ndơn kan an nuĭh leo kan Đảng, ngih dak, Kruanh Quốc hội Vương Đình Huệ lĕ pă an Huân chương Lao động hạng nhất an ntŭk kan Báo đại biểu nhân dân.

Báo đại biểu Nhân dan dân ŭch lah ntŭk kan mbơh nău mhe ndrel mĭn, ndrel ngơi, ndrel pah kan đah cử tri n’hanh ƀon lan lam dak. Ntoh ngơi ta rơh lễ, Groi kruanh rnâng kan Quốc hội Trần Thanh Mẫn đă, tâm rnôk nău kan rgâl mhe rnoh mbrô n’hanh lăp kan ndrel đah lam ntur neh dôl geh dŭt âk aƀaơ, ăp cán bộ, phóng viên, biên tập viên bâh Báo an geh dŏng công nghệ, sŏk dŏng săk rnglăy nău dơi ơm geh, mbơh tơih nău an na nê̆, răng dăng, ngăch n’hanh ueh, tâm di, gay ma Báo Đại biểu Nhân dân jêng ngoăy tâm âk ntŭk kan báo chí hăn lor bôk năp tâm nău rgâl rnoh mbrô bâh ăp ntŭk kan báo chí tâm lam dak.