Aơ lah rơh rƀŭn nchră bôk năp bâh rnâng kan thường vụ Đảng ủy Quốc hội n’hanh rnâng kan thường vụ chính phủ . Bí thư Đảng ủy Quốc hội, kruanh Quốc hội Trần Thanh Mẫn n’hanh Bí thư Đảng ủy Chính phủ Phạm Minh Chính leo rơh rƀŭn nchră. Ntoh ngơi ta rơh rƀŭn nchră, kruanh Quốc hội Trần Thanh Mẫn lah na nê̆, aơ lah rơh rƀŭn nchră dŭt khlăy, yor rnâng kan thường vụ Đảng ủy Quốc hội n’hanh thường vụ Chính phủ leo kan gay ma uănh năl nău pah kan geh tât nău nchrăp an rơh rƀŭn nchră ndal tal 9, Quốc hội khóa 15, gay ma nchrăp ăp nkô̆ nău rơh rƀŭn nchră an đăp mpăn ueh di, săk rnglăy n’hanh njêng nău mĭn tâm ban âk bâh đại biểu Quốc hội tâm nău ntrŭnh mbơh ăp nkô̆ nău, bôk nău kan bâh rơh rƀŭn nchră, tâm ban kơt ntrŭnh mpeh săch nuĭh kan. Rơh rƀŭn nchră ndal tal 9 nchrăp mbra geh ƀư ta lơ 12/2 n’hanh nglôch lôch ta lơ 18/2/2025. Ăp nkô nău rơh rƀŭn nchră ndal geh: uănh năl ăp nkô̆ nău mbơh tơih 4 luật, 5 nghị quyết kơl an nău kan pă dăp, ƀư lôch nău kan, trong leo kan ăp nău pah kan  , trong leo kan ăp ntk kan n’gâng kan, leo kan chính trị, uănh n’hêl 4 nkô̆ nău êng bâh nău dơi kan, tâm nĕ geh nkô̆ nău mpeh nău săch nuĭh kan nkre lah geh du nău mbơh tơih   Quốc hội tĭng nău ntrŭnh.