Ôi 7/9, ta Hàn Quốc, Kruanh Quốc hội Cho Jeong Sik ƀư tơm lễ wơt rgum Kruanh Quốc hội Trần Thanh Mẫn n’hanh Mpôl đại biểu gưl têh Việt Nam. Lôch wơt, bar Kruanh Quốc hội ƀư rgum nchră. Bar ding tâm ôp jru hvi mpeh nô nău bar dak n’hanh ăp trong nkra ntrŭt ntrôl tâm boh bar ding.

Bar ding tâm ban ŭch way tâm khâl mbro kruanh gưl têh; an ƀư trong uănh tâm nkrêp wăng sa tâm rnôk mhe; nsrôih n’hao tăch rgâl bar ding geh tât 100 rmen USD tâm năm 2026 n’hanh rƀŏng tât 150 rmen USD tâm năm 2030. Hàn Quốc an kơl lor ODA mô mplơ̆ tay n’hanh kơl an Việt Nam lor; ntrŭt ntrôl tâm boh khoa học, công nghệ n’hanh nta trong dơh doanh nghiệp bar dak ntuh kơl đăp mpăn, jŏ jong. Bar ding tâm ban ŭch pơk hvi tâm boh ntĭm nti tơm nuĭh kan, văn hóa, pâl nđaih n’hanh tâm nđŭr ƀon lan; uănh khlay mât njrăng nău geh tâm di bah nuĭh Việt ta Hàn Quốc n’hanh nuĭh Hàn Quốc ta Việt Nam, tâm nê geh nklăp 100 rbăn rnăk Việt – Hàn.