Nkhêp di nkah gĭt 94 năm nar ndâk njêng Hội Liên hiệp bu ur Việt Nam n’hanh Nar bu ur Việt Nam (20/10), kêng măng 15/10, ta Ngih Quốc hội, Kruanh Quốc hội Trần Thanh Mẫn ƀư tơm rơh mâp măt bu ur đại biểu Quốc hội pah kan chuyên trách ta Trung ương, bu ur cán bộ gưl vụ trưởng bah Văn phòng Quốc hội, Viện mĭn njêng pháp luật.

Ntoh ngơi ta rơh mâp măt, Kruanh Quốc hội Trần Thanh Mẫn lah rjăp nău way ơm têh dăng bah bu ur Việt Nam rgop têh tâm nău mât njrăng, ndâk njêng neh dak, dơi Wa Hồ an 8 rplay sam ƀŭt khlay “Anh hùng-Bất khuất-Trung hậu-Đảm đang”. Năm 2025 lah năm “n’hao ngăch” gay jêh trong nchrăp wăng sa-rêh jêng 5 năm; nta an bôk nău ƀư dơi Nghị quyết Đại hội rơh tal 13 bah Đảng; nchrăp an Đại hội Đảng ăp gưl, rƀŏng tât Đại hội Đảng lam dak rơh tal 14, Kruanh Quốc hội mpŏng ŭch, ăp bu ur đại biểu Quốc hội chuyên trách, ăp bu ur Vụ trưởng, công chức, viên chức, nuĭh pah kan bah Văn phòng Quốc hội, Viện mĭn njêng pháp luật mât uĕh tay ăp săk rnglăy dơi geh, nsrôih rgop an nău kan bah Quốc hội.