Ôi nđaơ (4/2), ta Ngih Quốc hội, Kruanh Quốc hội Trần Thanh Mẫn lĕ pah kan đah kruanh N’gâng kan Công an. Ta nar pah kan, Kruanh Quốc hội rnê rmôt công an hăn lor bôk năp tâm nău dăp, n’hŭch jêt n’gâng kan ƀĭt joet đăp mpăn têh dăng, n’hŭch jêt, tam, săk rnglăy. Ntrong ƀư aơ dơi ăp n’gor, n’gâng kan nău kan êng nti ƀư tĭng.

Năm 2025 geh âk nar lễ têh bah neh dak, ngăn lah 80 năm nar ndâk njêng neh dak lah 80 năm ndâk njêng rmôt công an nhân dân, Kruanh Quốc hội Trần Thanh Mẫn mpŏng rmôt công an lôch uĕh nău kan năm 2025 rgop tâm nău kan ndâk njêng mât njrăng neh dak n’hanh râng ndrel Quốc hội tâm trong kan ndâk njêng pháp luật, groi nđôi. Kruanh Quốc hội Trần Thanh Mẫn đă rmôt công an mbơh ƀư ăp luật lĕ dơi Quốc hội mbơh an ta ăp rơh rƀŭn bah Quốc hội, tâm nĕ ntrôl dăng trong kan nkoch trêng an nuĭh ƀon lan wât n’hanh ƀư tĭng di pháp luật. Kruanh N’gâng kan Công an Lương Tam Quang mĭn, ndơn tay săk rnglăy tâm nău n’hŭch jêt n’gâng kan ƀĭt joet, nău kan công an dôl nchrăp ƀư tĭng nău dăp, n’hŭch jêt bah trung ương tât n’gor.