Tâm rnôk hăn khâl ngăn dak Lào ndrel râng rƀŭn Đại hội đồngAIPA-45, ôi 18/10, ta Thủ đô Vientiane, Kruanh Quốc hội Trần Thanh Mẫn hŏ geh tâm mâp ma Tổng Bí thư, Rnâng kan rđau kan Đảng ƀon lan Cách mạng Lào, Kruanh dak Cộng hoà Dân chủ Nhân dân Lào Thongloun Sisoulith. Bar rđau kan rnê prêh nau hun hao ueh, nâp bah nau tâm boh âk nau, tâm rnglăp khlay ndrel tâm boh ăp ntil Việt Nam-Lào tâm ăp năm rlau aơ, tâm nê geh nau rgop khlay bah Quốc hội bar dak, lah rjăp.

Tâm rơh tât, bar ding ân geh ƀư ueh nau vay ơm tâm boh tâm dăch, tâm rnơm, ndrel ntrŭnh ƀư ueh ăp nau nchrăp gưl prêh, tâm nê geh nau tă dơi bah rơh tâm mâp đah bar N’gâng kan chính trị khay 9 năm 2024 mhe rlau, lŏ n’hao nau tâm boh đah bar ntŭk kan ndâk njêng pháp luật bar dak, tâm boh rjăp, tâm kơl tâm ăp nau tâm nchră Nghị viện ndrel lam ntur neh kơt IPU, AIPA, APPF; tâm rgop rjăp tâm ăp nau tâm nchră tâm nkuăl ndrel lam ntur neh./.