Ôi ntri (12/9), ta Jay Quốc hội, ta nâm nău ƀư tơm bah Kruanh Quốc hội Vương Đình Huệ, Ủy ban Thường vụ Quốc hội ntơm pơk rơh hop tâl 26 an nău rgop tâm âk nkô̆ khlay nchrăp an rơh hop tâl 6, Quốc hội khóa 15.

Lah ta rnôk ntơm pơk rơh hop, Kruanh Quốc hội Vương Đình Huệ an gĭt ta rơh hop dja, Ủy ban Thường vụ Quốc hội an nău rgop tâm âk trong nchrăp Luật, tâm nê an nău rgop bôk năp đah Luật Thủ đô (rgâl nkra) n’hanh an nău rgop tâl 2 đah trong nchrăp Luật neh ntu (rgâl nkra) n’hanh Luật Bảo hiểm xã hội (rgâl nkra). Mpeh nău kan groi nđôi, Ủy ban Thường vụ Quốc hội an nău rgop tâm siƀŭt mbơh lôch jêh bah Mpôl groi nđôi way nkô̆ bah Quốc hội; mĭn uănh siƀŭt mbơh bah ăp nhih pah kan mpeh tĭng ƀư ăp Nghị quyết bah Quốc hội mpeh groi nđôi way nkô̆ n’hanh Nghị quyết ôp n’hanh ơh nău ôp ntơm bah bôk năm kan tât aƀaơ./.