Lơ 27/10, ta Ngih kan Quốc hội, Kruanh Quốc hội Vương Đình Huệ vơt wa Chey Tae Won, Kruanh rmôt kan SK ta Việt Nam. Tâm rnôk vơt, Kruanh Quốc hội Vương Đình Huệ ntoh nau ŭch, đah nau tâm boh kan nsum ăp ntil bah bar dak mra ntrŭt dăng lơn tay nau tâm boh văng sa, tăch rgâl, ntuh kơl tâm ban ma nau tâm boh bah 2 dak, ngăn lah tâm ăp nau kan rgâl mhe blau mhe, ntrơn rgâl ndrih, rdâng đah nau ntrơn rgâl trôk nar.

Kruanh Quốc hội mbơh, dăch tât, nchrăp ta Hà Nội mra geh nau ntơm ƀư nau kan tơm bah nau rgâl blau mhe neh dak, Kruanh Quốc hội rnơm lah, đah âk nau kơl an bah SK, aơ lah nau rgâl khlay ân nau ndâk nau rgala mhe bau kan bah Việt Nam, rgop tâm nau kan ntrơn rgâl văng sa ndrel ƀư nau kan tơm êng tâm ăp nau kan bah Việt Nam. Quốc hội ndrel săk Kruanh Quốc hội Vương Đình Huệ mro kơl an, pơk trong ân ăp rmôt kan, nŭih ntuh kơl Hàn Quốc ngăn lah ta mrôt kan SK lŏ ntuh kơl tăch rgâl jŏ jong ta Việt Nam./.