Dơn nău jă bah Kruanh Quốc hội Cộng hòa Nhân dân Bangladesh  n’hanh Kruanh Quốc hội Cộng hòa Bulgaria, ôi aơ (21/9), Ủy viên Bộ Chính trị, Kruanh Quốc hội Vương Đình Huệ leo mpôl ntơh măt gưl têh Quốc hội Việt Nam tă bah Hà Nội, hăn khâl ngăn dak Cộng hòa Nhân dân Bangladesh n’hanh Cộng hòa Bulgaria ntơm bah nar 21-26/9/2023.

Hăn  khâl bah Kruanh Quốc hội Vương Đình Huệ gay tĭng ƀư gung trong tâm boh dak bah dih đăp mpăn, nsrôih ndôr êng, âk ntil ndơ, âk trong kan tâm boh dak bah dih bah Đại hội XIII bah Đảng n’hanh Nghị quyết bah Bộ Chính trị; ntrŭt ntrôl tâm boh đah Quốc hội dak he đah Quốc hội bar dak; ntrŭt ntrôl tay tâm boh tâm rnglăp Việt Nam - Bangladesh, lah rjăp nău ŭanh khlay bah Việt Nam đah tâm boh tâm rnglăp way ơm Việt Nam - Bulgaria. Đah Bangladesh, hăn  khâl  lah rjăp nău ton bah Quốc hội Việt Nam tâm trong tâm boh đah Quốc hội Bangladesh. Đah Bulgaria, hăn  khâl gay rdâk tay n’hanh n’hao dăng lơn tâm boh tâm rnglăp way ơm n’hanh tâm boh âk ntil đah Việt Nam n’hanh Bulgaria lah nsum, tâm boh nghị viện đah bar dak lah êng.