Kêng măng 24/9, mông dak nê, ta ntŭk kan ntoh măt bah Việt Nam, Thủ đô Sofia, Kruanh Quốc hội Vương Đình Huệ hŏ mâp măt ntoh măt bah Việt Nam ta Bulgaria ndrel du đê̆ dak êp nê lah, Séc, Rumani, Slovakia, Hy Lạp ndrel Thổ Nhĩ kỳ. Lah rjăp, Châu Âu lah dak kan nsum khlay bah Việt Nam, Kruanh Quóc hội ŭch ăp ntoh măt ndrel cán bộ, nŭih pah kan bah ntŭk kan ntoh măt tâm ăp dak lŏ ƀư rjăp tŏng, jri nau ntrŭnh Đại hội XIII bah Đảng ndrel nau tă geh dơi bah nau tâm nchră lam dak ndrel ăp nau ntrŭnh êng geh tât nau tâm nchră đah dak ab dih.

Mpeh nau kan chính trị nchră nau, ân geh hun hao nau dơi ueh bah nau tâm boh vay ơm ueh gay ma n’hao nau tâm rnơm chính trị bah nau ntrŭt dăng tâm nchră rmôt kan ăp gưl, ăp nau kan, tâm ăp ntrong. Kruanh Quốc hội đă ăp ntoh măt ân geh uănh khlay tât nau kan tâm nchră văng sa, ntrŭt dăng nau kan ăp dak ân ơm geh dŏng dơi nau tâm ton mât kơl ntuh kơl Việt Nam-EU gay pơk trong nơih ân ăp nau kan ntuh kơl, leo nsĭt nau săk jêng ân lĕ bar ding./.