Kruanh Quốc hội Vương Đình Huệ lah na nê̆, bâh geh nău kơl kan, trong kan tâm di, ngăch ndăn, ê hŏ tă geh bâh ntơm tâm ba năp nơh, uănh lĕ rngôch n’gul rơh năm kan mhe nơh, Việt Nam lĕ nâp nâl rlet rlău nău jêr jŏt, ntul rlong ta năp ăp chông sial rlơ̆ n’hanh dơi geh nău geh khlăy, lĕ rngôch.

Tĭng nău mbơh bâh kruanh Quốc hội, bâh ăp rơh uh ah, ăp nău jêr, nău ntul rlong, ăp nar lơ ma geh gĭt na nê̆ lơn nău khlăy n’hanh nău kan bâh ta ntŭki tơm, nău nsrôih kan êng, leo kan tâm nău hun hao wăng sa. N’hao nău dơi ta ntŭk, njêng nău nsrôih an hun hao lah nău kan dŭt khlăy ngăn, lĕ rngôch lah nău tơm khlăy n’hanh ngăch ndal gay ma mât đăp mpăn an tâm di mbro, đăp mpăn, nâp nâl, kơl an neh dak dŏng rơh nkhêp, rlet rlău nău ntul rlong, ntơm njêng rnoh kan, njrăng rdâng đah ăp nău tât ndal, uh ah bâh bah dih, nkre lah kơl an n’gâng kan wăng sa hun hao, mpŏng tât hao jêng nâp nâl.