Ta Ntŭk Thủ tướng, tâm trôm rơh khâl na nê̆ Bulgaria, Kruanh Quốc hội Vương Đình Huệ lĕ rgum nchră đah Thủ tướng Bulgaria Nikolai Denkov. Ta rơh rgum nchră, Kruanh Quốc hội Vương Đình Huệ mĭn lah Việt Nam uănh mĭn mro, uănh nđôi n’hanh răm rhơn ăp săk rnglăy uĕh lăng ma Bulgaria lĕ dơi geh tâm nău hun hao wăng sa-rêh jêng năm bah năp, rgop nâp nâl n’hanh n’hao jâng nsan bah Bulgaria ta lam ntŭr neh.

2 ding tâm ban ŭch ơm ƀư rơh rƀŭn 24 Ủy ban 2 Chính phủ Việt Nam-Bulgaria tâm năm 2023 gay kơp uănh, tâm ban ŭch ăp trong mkra na nê̆ ntrôl kan ndrel wăng sa-tăch rgâl-ntuh kơl đah 2 dak. Tâm rgâl mpeh ăp nău nkual n’hanh lam ntŭr neh, 2 nuĭh kruanh tâm ban ŭch n’hao kan ndrel rjăp n’hanh tâm rgop ta ăp rơh rƀŭn ăp ding n’hanh nkual, ngăn lah ta Liên hợp quốc, ASEM, ASEAN-EU.