Tâm rnôk hăn khâl ngăn Bangladesh, Kruanh Quốc hội Vương Đình Huệ hŏ wơt Chủ nhiệm Ủy ban Đối ngoại bah Quốc hội Bangladesh.

Ta rơh wơt, Kruanh Quốc hội Vương Đình Huệ hŏ mbơh đah Chủ nhiệm Ủy ban Đối ngoại bah Quốc hội mpeh nău njêng rmôt Nghị sĩ tâm rnglăp Việt Nam – Bangladesh; dăn đă Ủy ban Đối ngoại bah Quốc hội Việt Nam n’hanh Bangladesh lah ntung njŏ khlay gay ntrŭt ntrôl tâm boh ta lĕ rngôch ăp trong tâm boh đah bar dak, lơn lah rgop an nău tĭng ƀư geh nău tam ăp nău  tâm ton n’hanh ăp siƀŭt tâm boh hŏ dơi ký ton. Kruanh Quốc hội ŭch rŏng let năp tay mbra geh âk mpôl nghị sĩ bah ăp Ủy ban bah Quốc hội Bangladesh, ăp nghị sĩ bu ur, nghị sĩ mom tât Việt Nam gay n’hao dăng tâm nđŭr, tâm kơt nti nău tă ơm gĭt kan, nkre njêng suan ntrôl an tâm boh bar dak./.