Ôi 18/10, ta Jay Quốc hội, Kruanh Quốc hội Vương Đình Huệ wơt Bộ trưởng Bộ Công nghiệp n’hanh ƀư njêng dak si Algeria, Kruanh Ủy ban bar Chính phủ Algeria-Việt Nam Ali Aoun. Kruanh Quốc hội Vương Đình Huệ rhơn rnê Bộ trưởng Ali Aoun hăn khâl Việt Nam n’hanh ndrel ƀư  tơm rơh hop tâl 12 Ủy ban bar Chính phủ Việt Nam – Algeria.

Kruanh Quốc hội Vương Đình Huệ lah rjăp, Việt Nam mbra ƀư ntung njŏ đah Algeria tât ntŭk tăch rgâl nkual Đông Nam Á. Rlơ̆ tay, Algeria mbra ƀư mpông rlong gay Việt Nam lăp tât ntŭk tăch rgâl Bắc Phi n’hanh châu Phi-nkual dôl săk geh dŭt têh n’hanh geh nău ŭch dŏng ndơ dŭt âk. Bộ trưởng Ali Aoun ŭch rŏng, Việt Nam-Algeria mbra ký ton Hiệp định tâm boh tâm trong kan công nghiệp n’hanh tăch rgâl. Kruanh Quốc hội Vương Đình Huệ an gĭt, Quốc hội Việt Nam mbra n’grŏ tĭng bar ding ký ton Hiệp dja.