Nkhêp geh bôk năm mhe Ất Tỵ 2025, Tỉnh ủy n’hanh Ủy ban Nhân dân n’gor Dak Lak hŏ njêng âk mpôl hăn pah kan tă bah kruanh rđău kan Tỉnh ủy n’hanh Ủy ban ƀư kruanh mpôl hŏ khâl n’hanh pă nklâm ndơ mbah rhơn Tết ăp đơn vị, doanh nghiệp ta n’gor. 

Ta ăp doanh nghiệp tât khâl, mpôl pah kan hŏ djăt mbơh mpeh nô nău an ƀư njêng n’hanh ăp nău kan bah ăp doanh nghiệp. Ăp kruanh rnê âk ăp nău dơi hŏ geh tâm nău nkre đah nău dơn kan wăng sa n’hanh njrăng n’gang neh dak, tâm ban kơt nău ƀư njêng bah ăp đơn vị. Lơn lah, ăp mpôl hăn mpơl nău ŭch rŏng ăp doanh nghiệp ntuh kơl pơk hvi tay nău kan ƀư njêng, n’hao săk geh tơm ndơ nkret njêng, âk ntil ndơ geh ƀư, pơk hvi ntŭk tăch rgâl n’hanh n’hao nău geh wăng sa an nuĭh kan. Kruanh rđău kan n’gor Dak Lak lah rjăp mbra way nta ăp trong dơh tâm trôm pháp luật gay ăp doanh nghiệp hun hao. Lah ta Công ty Cổ phần Bia Sài Gòn - Miền trung, wa Nguyễn Tuấn Hà, Groi kruanh Rnâng kan UBND n’gor Dak Lak, lah rjăp nău ŭch tât kan bah n’gor tâm let năp tay lah nsrôih tât hun hao bar keh mbrô tĭng nău đă bah Thủ tướng Chính phủ. Gay ƀư dơi nău dja, n’gor ân nsum ti n’hanh nău nsrôih bah ăp doanh nghiệp hăn ndrel n’gor tĭng ƀư trong nchrăp hun hao wăng sa rêh jêng kon nuĭh dơi jao.