Ôi 30/10, Kruanh rđău kan Radio nău ngơi Việt Nam mâp măt Mpôl kruanh nhih pah kan ntơh măt Việt Nam dôl nchrăp hăn dơn nău kan ta du đêt dak.

Ta rơh mâp măt, Tổng Giám đốc Radio nău ngơi Việt Nam Đỗ Tiến Sỹ mbah rhơn ăp Kruanh nhih pah kan ntơh măt Việt Nam ta dak bah dih dơi ntăm n’hao tâm ntŭk gŭ pah kan khlay, nkre lah rjăp: ăp Đại sứ, Tổng lãnh sự lah ăp nuĭh ndu nău kan bah Đảng, ngih dak n’hanh ƀon lan tâm pah kan tâm boh dak bah dih, lah ntung njŏ đah nuĭh Việt Nam gŭ dak bah dih. Radio nău ngơi Việt Nam lah nhih pah kan nkoch trêng nău lư ta Việt Nam geh pơk ƀoh nău ngơi an nuĭh gŭ dak bah dih, tĭng ƀư ăp nău dơn kan chính trị, rêh jêng kon nuĭh đah 13 ntil nău ngơi....Radio nău ngơi Việt Nam dôl tĭng ƀư rêng bôk nău kan chính luận âk ntil ndơ nkoch trêng, pơk ƀoh nău ngơi “Việt Nam – Rơh hun hao mhe”, gay năl di nău rđău kan bah Đảng hŏ kơl neh dak nsan hao dăng, rƀŏng tât rơh hun hao mhe, năl di nău nsing nơm n’hanh ntŭk gŭ kan têh khlay lam ntŭr neh. Tổng Giám đốc Radio nău ngơi Việt Nam Đỗ Tiến Sỹ mpŏng Mpôl kruanh nhih pah kan ntơh măt Việt Nam geh ăp nău rgâl mhâm an tâm di, rƀah gĭt dơi nuih n’hâm rơh mhe, rƀah gĭt dơi ăp trong leo bah lam ntŭr neh nsĭt geh an Việt Nam n’hanh Việt Nam lăp rgum lam ntŭr neh.