Kêng măng 19/3, ta nkuăl ƀon têh Đà Lạt, Uỷ ban Mặt trận Tổ quốc Việt Nam n’gor Lâm Đồng ƀư rƀŭn mâp măt ntoh măt ăp kơn ƀon lan tâm nkuăl rnoi mpôl đê̆ tâm nkuăl. Rơh rƀŭn lah rjăp, rơh rlau aơ, Đảng ndrel Ngih dak mô rlu nau kơl an âk ntrong kan tâm nkual rnoi mpôl đê̆, ngăn lah nkô̆ nau kan bah neh dak mpeh nau ndâk njêng ƀon lan mhe hŏ geh nau rgâl ăp ntil, nau rêh drăp ndơ ndrel nuih n’hâm ƀon lan mô rlu geh n’hao prêh, rnoh rnăk ach o âk ding geh huch ngăch, rnôk aơ hôm 2%, tâm nê rnăk ach o nkual rnoi mpôl đê̆ hôm 5,4%, huch rlau 3% rđil năm 2023.

Gay lŏ dơi hun hao văng sa ndrel nau rêh, ntoh măt ăp kơn ƀon lan tâm nkuăl rnoi mpôl đê̆ bah n’gor Lâm Đồng hŏ ntoh âk nau đă, kơt, ân kơl an pă kan pah ân oh kon rno mpôl đê̆ jêh lôch nti Đại học, cao đẳng; nau kan ntĭm nti kan an tâm di ma nau dôl geh, kơl an ndâk nau kơl hun hao văng sa rnăk vâl ân geh săk tam gay ma pơk hvi tay./.