N’gor Lâm Đồng dôl ndal doh rklaih nau jêr, nkol, nsôih ndâk 2 nau kan hăn ngăch trong jâng, trong Tấn Phú-Bảo Lộc ndrel Bảo Lộc-Liên Khương, nthoi Đà Lạt ndrel nkuăl ƀon têh Hồ Chí Minh bah năp lơ 30/4 tât. Bar nau kan aơ nthoi, đah rnoh jong 200km, jêh rnôk ƀư mra nthoi nkuăl ƀon têh Đà Lạt (Lâm Đồng) ndrel nkuăl ƀon têh Hồ Chí Minh ndrel ăp n’gor Đông nam Bộ. Rnôk aơ, lĕ bar nau aơ kŏ dôl mâp du đê̆ nau kol kơt rnoh ntuh kơl têh, ƀư tât nar ƀư jêh nsĭt tơm prăk jong (20 năm).

N’huch nau têk nklônh bah ăp nau kan ma ăp tơm ntuh jơl ndrel ntŭk kan ân manh prăk, ngăn lah ăp nau kan ntuh kơl tĭng nau tâm bonh nsum, êng. Groi Giám đốc Rnâng kan mât Bôk nau kan nkra trong n’gor Lâm Đồng Võ Ngọc Phát mbơh, rnôk aơ rmôt kan ăp ăp ntŭk geh nau dơi kŏ dôl rgum doh rklaih, đă nau kan ơm jêh ƀư săm ƀŭt gay ăp trong aơ ân geh ntơm dơi hăn ro bah năp lơ 30/4 tât./.