Bơi tât 250 đại biểu ndơn kan an rlău 65 rbăn đoàn viên công đoàn n’gor Lâm Đồng tât râng. Bol ma geh tâm rdâng đah âk nău jêr yor geh nău tât bâh nuh srê Covid-19, yơn ăp gâl kan công đoàn n’gor Lâm Đồng lĕ nsrôih ƀư tĭng geh nău dơi âk nău kan, trong kan, ƀư lôch n’hanh rlet rlău ăp nău mpŏng kan ma Nghị quyết Đại hội tal 9 Công đoàn n’gor ngluh mbơh.

Tâm nĕ, ntoh lư ngăn lah ƀư ueh nău ndơn kan, mât kơl, mât nău dơi, nău geh tâm di geh bâh nuĭh pah kan. Na nê̆, lĕ geh bơi tât 79 rbăn nuĭh pah kan geh tât ôp khâl, pă ndơ bâh bôk nău kan “tết rgum nsum”, 46.500 nuĭh geh rvăt ăp ntil ndơ, dŏng nău kan bâh 85 doanh nghiệp đah rnoh an lor, kơl an rdâk njêng, nkra mhe 118 mblâm ngih jay an đoàn viên, nuĭh pah kan geh nău rêh jêr jŏt...Đại hội lĕ săch Ban chấp hành Liên đoàn lao động n’gor Lâm Đồng khóa 10, năm kan 2023-2028 geh 32 nuĭh.