Nar 25/10, UBND n’gor Lâm Đồng geh siƀŭt njuăl ngăch mpeh nău nkra bah tât khuch geh dak bŭk êng tĭng ntŭk klôr rdu ndeh ôtô ƀư 4 năch Hàn Quốc khĭt ta nkual pâl nđaih Làng Cù Lần tĭng nău rđău đă bah Thủ tướng Chính phủ.

Siƀŭt njuăl ngăch bah UBND n’gor Lâm Đồng đă Công an n’gor rđău đă mpôl kan dơi kan hăn ôp uănh, năl nkô̆, ƀư kloh nău dơn kan bah ăp mpôl, ăp nuĭh geh tât nău khĭt yot, n’hanh rmal lhăt ăp nău tih lah geh tĭng di nău way bah pháp luật. Nkre, kan nsum đah Văn phòng UBND n’gor gay nkra ăp nkô̆ nău geh tât, nkra bah nău khuch an tay bah kơi tĭng di quy định. Lôch rnôk geh nău tât, Thủ tướng Chính phủ geh siƀŭt njuăl ngăch nău ôp khâl, nău tâm pă rngot klâng tât rnăk wâl nuĭh khĭt; nkre đă Bộ Ngoại giao, Kruanh UBND n’gor Lâm Đồng n’hanh ăp nhih pah kan geh tât rđău đă tay, an ƀư pah kan nkra bah khuch khat./.