Kêng măng 30/10, UBND n’gor Lâm Đồng ƀư tâm nchră ntuh kơl “Yôk nkuăl prêh Lâm Đồng ntrơn rgâl ndrih nâp nâl-nau ueh ân tơm ntuh kơl”. Tâm nchră dŏng âk mông nar, rgop âk nau mpeh nau rgum, rƀĭng trong ntrơn rgâl ndrih, tuch tăm prêh mhe bah n’gor Lâm Đồng; Djăt ăp ntŭk mât, ăp nŭih ƀư nau kan nkoch mbơh mpeh nkô̆ kŏ kơt lah nau dơi ntuh kơl bah ăp ntŭk đah ăp nau kan, ntrong kan ntrơn rgâl ndrih bah nkuăl. Ndrel ma nê, ăp ntoh măt kŏ tâm nchră nau dăng mpeh tơm prăk ân hun hao ndrih, hun hao nâp nâl; hun hao bri tăm geh nsum ma nau rgâl nau rêh ân ƀon lan ăp rnoi tâm nkuăl.

Giáo sư, Tiến sĩ Trần Hồng Thái, Kruanh UBND n’gor Lâm Đồng lah rjăp, nau tâm nchră lah rnôk têh gay n’gor mbơh nau geh dơi, nau dăng ndrel ăp nau ntuh kơl, tăch rgâl bah n’gor Lâm Đồng. N’gor lŏ rgum tŏng nau đă, nau rgop mbơh bah ăp ntŭk, ăp tơm ntuh kơl, rmôt kan, tâm nê geh nau rƀŏng, nau kan ntrŭt dăng hun hao văng sa, rêh jêng, ntrơn rgâl ndrih nâp nâl bah Lâm Đồng tâm rơh tât./.