Tĭng ƀư Đề án “N’hao âk ntĭm n’hanh nti nău ngơi dak bah dih lvang năm 2025-2035, rƀŏng tât năm 2045”, Ủy ban nhân dân n’gor Lâm Đồng hŏ n’gluh an dŏng trong nchrăp an ƀư ta n’gor, tâm nê dŭt njrăng uănh khlay lah nău rlong ntĭm nău ngơi dak Campuchia ta ăp xã nkual n’har bri. Nău ŭch nsum bah n’gor lah n’hao nău blău ngơi dak bah dih an nuĭh nti ta gưl nti, tŏng đah nău ŭch geh kơt nti, tâm dâl nău ngơi, tât geh nău gĭt blău, khoa học – công nghệ n’hanh lăp rgum dak bah dih; nkre rgop hun hao tơm nuĭh kan, rhŏ dŏng ăp trong kan săk geh âk kơt pâl nđaih, rhŏ dŏng, tuch tăm công nghệ mhe n’hanh tâm boh dak bah dih.

 Đah ntĭm nti phổ thông, n’gor mbra ra uănh tay nău ŭch geh kơt nti ăp nău ngơi dak bah dih tiếng Anh, mât kơt ơm ntĭm nti nău Pháp ta ăp ntŭk tŏng geh ndơ ntĭm nti; nkre rlong an ntĭm nti nău ngơi Campuchia, lơn lah ta ăp xã nkual n’har bri. Nchrăp, tâm rơh bôk năp mbra pơk ntĭm ta 2 nhih nti trung học cơ sở, âk nklăp 15% lĕ rngôch rnoh nhih nti ta nkual dja. Nău rlong ntĭm nău ngơi Campuchia ta ăp xã n’har bri mô dơn rgop n’hao săk blău ntĭm nti nău ngơi dak bah dih, ma hôm n’hao âk tâm nđŭr ƀon lan, ntrŭt ntrôl tâm boh hun hao wăng sa- rêh jêng kon nuĭh, mât nâp rnă njrăng- njrăng n’gang neh dak, tâm di đah trong rƀŏng lăp rgum n’hanh hun hao jŏ jong bah n’gor Lâm Đồng tâm rơh mhe./.