Lôch jêh sŏk phiếu nsing nơm ta Rơh hop way nkô̆ tâl 10, HĐND n’gor Dak Lak khóa X, năm kan 2021-2026, ƀư nar (10/10), 29 nuĭh mât bôk kan tă bah HĐND n’gor Dak Lak khoá X sơch đah lôch jêh geh phiếu nsing nơm âk.

Ta rơh hop, đah nuih n’hâm geh nău tâm ban, kloh rvah, dơn kan, ăp đại biểu HĐND n’gor Dak Lak hŏ ƀư sŏk phiếu nsing nơm đah 29 nuĭh mât bôk kan tă bah HĐND n’gor khoá X sơch, lah: Kruanh HĐND n’gor; Groi kruanh HĐND n’gor; 4 Kruanh ban HĐND n’gor; Kruanh UBND n’gor; 3 Groi Kruanh UBND n’gor; 19 Ủy viên UBND n’gor. Kêng dŭt nău geh nsing nơm âk (25 nuĭh geh tât rnoh nsing nơm âk ntơm bah 70% let lơ), mô geh nuĭh 2/3 đại biểu uănh năl nău nsing nơm đêt. Nău ƀư sŏk phiếu nsing nơm đah nuĭh mât bôk kan tă bah HĐND n’gor Dak Lak ƀư tĭng quy định ta Nghị quyết 96/2023 bah Quốc hội khoá XV.