Kêng măng 2/10, ta Ntŭk kan ntoh nau ngơi neh dak 58 Quán Sứ, Hà Nội, Radio Việt Nam, Ban Tuyên giáo Trung ương, N’gâng kan Chính trị tahen ƀon lan Việt Nam ndrel UBND n’gor Khánh Hoà ƀư nar rƀŭn lôch Bôk nau kan tâm nchră Nghệ thuật “Sâm geh tă bah dak lêng ƀon lan”. Tâm rnôk tâm nchră ăp ntoh măt lah rjăp, Bôk nau kan rgop nau uănh tay nau tă geh dơi ƀư Nau ntrŭnh Đại hội XIII bah Đảng tâm ăp nkualư dak lêng, gôl dak tă bah bôk năm kan tât rnôk aơ. Bôk nau kan geh 3 ntrong ƀư tơm đah ăp nkô̆ “Nau geh bah dak lêng”; “Việt Nam rƀŏng tât sâm geh bah dak lêng”, “Việt Nam rƀŏng tât dăng mpeh dak lêng”.

Bah bôk nau kan hŏ rgop nau kơl an cán bộ, đảng viên, ăp kơn ƀon lan, tahen lam rmôt saơ kloh lơn ăp nau geh dơi têh ndrel geh dăng bah neh dak-neh dak geh dak lêng, bah nê bun dăp nau ŭch rŏng dak, nuih n’hâm ntô̆ n’hao, ryơk rnoi mpôl, nau nsôih mât nau ƀư tơm bah dak leng bah neh dak. Rơh aơ, Tổng Giám đốc Radio Việt Nam Đỗ Tiến Sỹ pă kỷ niệm chương “Yor nau kan ntoh ngơi” ân ăp nŭih geh nau blau ngăn tâm nau tâm rgop ƀư bôk nau kan./.