Kêng măng 19/9, tâm nchră văng sa, rêh jêng năm 2023 hŏ lôch. Ntoh nau tâm nar tâm nchră, Kruanh Quốc hội Vương Đình Huệ mbơh, tâm nchră hŏ geh 7 nau mbơh bah ăp nŭih rƀŭn nchră dĭng lĕ ndrel 2 rơh rƀŭn tĭng nkô̆, rlau 40 nau nchih bah ăp ntŭk kan, ăp nŭih blau, nŭih kan khoa học. Tâm ăp nkô̆ ndrel rơh rƀŭn kŏ kơt lah tâm nchră gưl prêh hŏ geh rlau 40 nau rgop bah âk nŭih blau nau kan, ăp nŭih kan khoa học, ăp ntŭk ƀư kan tăch rgâl ndrel ntoh măt tâm ndrel bah dih dak râng nchră, tâm mbơh nau.

Tâm nchră hŏ nkoch mbơh nau ngơi bah nsum mpôl ntŭk kan tăch rgâl nchră luh bah ăp ntoh măt bah rmôt kan tăch rgâl ndrel Công nghiệp Việt Nam (VCCI), bah ăp rmôt kan, geh ƀư bah du đê̆ ntŭk kan tăch rgâl tâm nchră, nkoch nau bah ăp nŭih blau tâm dak ndrel dak ba dih, nŭih ƀư mĭn njêng, nŭih mpŏng trong ndrel ntŭk kan ƀư tĭng ăp nau kan kŏ kơt lah nŭih geh kơl nau kan. Nau tâm nchră ngăn ngên hŏ jêng du ntŭk nkoch mbơh nau âk ding ndrel ăp ntil. Ăp ntoh măt nkah tât âk nau kan geh tât nau dơi ngăn bah nau bun hao ndrih ndrel lah rjăp aơ lah trong hăn ueh ngăn, n’gâng kan rlau trong kan bah ăp nau kan, nau nchrăp, nau kơl an gay rƀŏng tât n’hao n’hâm rlong ndrel hun hao nâp nâl./.