Bôk nău kan khoa học rgum ta nău mĭn unh ăp trong kan gay ma mât rbăy ot Ndrong Tây Nguyên lah nsum, ot Ndrong Rđe, Jarai ta sóng ntoh ngơi nău ngơi rnoi đê̆ ta tây Nguyên. Tâm nĕ, rgum ta ăp trong kan kơt lah: leo ƀư ăp bôk nău ntoh ngơi gay ma mbơh tơih, ndâk njêng tay ăp nău ndrong lah lư, mbơh tơih, ryơk rnê ăp nghệ nhân geh âk nău tâm rgop tâm nău mât rbăy n’hanh ntĭm nti ot Ndrong Tây Nguyên, rgum lĕ n’hanh mât uănh geh săk rnglăy ăp rnoh kan ta ntŭk rêh jêng gay ma mât rbăy n’hanh n’hao nău khlăy văn hóa phi vật thể lah nsum n’hanh ot Ndrong Tây Nguyên lah êng.

Hội đồng nghiệm thu lĕ uănh năl na nê̆ ăp nkô̆ nău, tâm rgop rgâl mhe ăp nkô̆, nău kan n’hanh mbơh rblang, ƀư kloh tay ăp nkô̆ nău an geh ntop mhe tâm bôk nău kan. Nô Tạ Đức Toàn, kruanh Ban dân tộc, Radio nău ngơi Việt Nam uănh năl” Nău kan lah dŭt tâm di, ndơ̆ mbơh ăp nău geh, ăp trong kan dŭt na nê̆ n’hanh mbra dơi geh dŏng tâm nău ngăn bâh radio nău ngơi Việt Nam.

     \\