Ôi ntri (3/3), Mpôl hăn ôp uănh mbrô 1923 tă bah Groi Thủ tướng Rnâng kan Chính phủ Nguyễn Hòa Bình ƀư kruanh mpôl leo hăn hŏ mbơh nău n’glêh an ôp uănh bah Bộ Chính trị, Ban Bí thư năm 2025 đah Ban Thường vụ Tỉnh ủy Lâm Đồng. Lôch rnôk đăm jru Nghị quyết mbrô 57, bôk năp nău gĭt êng bah cán bộ, đảng viên n’hanh ƀon lan mpeh nău khlay kan bah khoa học n’hanh công nghệ, rgâl blău mhe n’hanh rgâl mbrô dơi n’hao.

Mpeh tĭng ƀư n’glôch jêh mbrô 123, mpeh đăp mpăn hun hao 8% let lơ tâm năm 2025, Lâm Đồng hŏ n’gluh an dŏng âk siƀŭt rđău đă rgum tĭng ƀư ăp nău dơn kan, trong nkra, ăp trong nchrăp jŏ jong dơi đăt ndal gay nsrôih rnoh ngăch hun hao wăng sa tâm năm 2025 dja hao ntơm bah 9,0-10%. Lah ta rơh tâm nchră, Groi Thủ tướng Rnâng kan Chính phủ Nguyễn Hòa Bình saơ kloh nău nsrôih, nău dơn kan, nău dơi rđău đă , ƀĭt juet, nău tâm rnglăp dơn ngoăy nău tĭng ƀư ăp trong nchrăp têh bah n’gor Lâm Đồng. Nkre, dăn đă Ban Thường vụ Tỉnh ủy Lâm Đồng djăt ăp nău rgop ta rnôk tâm nchră. Nkoch tât nău rvê mpeh nuĭh kan glêh tam yơn kon nuĭh gŭ kan tay bah kơi mô di lah rsang rnglăy, ăp nuĭh mô ƀư dơi nău kan, Groi Thủ tướng Rnâng kan Chính phủ Nguyễn Hòa Bình lah rjăp gưl ủy n’hanh nuĭh mât bôk ân dơn nău kan mpeh nkô̆ nău dja.