Ƀư tĭng nau ntrŭnh mrô 26 lơ 14/2/2025 bah Bộ Chính trị, Ban Bí thư mpeh nau mât nau kan, bonh đă, ntĭm nti, mêt uănh du đê̆ nau kan tơm tâm năm 2025, lơ 20/2, tâm ntŭk kan Chính phủ geh rơh rƀŭn mbơh nau ntrŭnh ndâk rmôt kan mêt uănh bah Bộ Chính trị, Ban bí thư năm 2025 đah Đảng uỷ Chính phủ, Đảng uỷ Quốc hội. Tâm nar rƀŭn, ăp ntoh măt djăt nau mbơh ntrŭnh ndâk rmôt kan mêt uănh, tĭng nê, Bí thư Đảng uỷ Chính phủ, Thủ tướng Phạm Minh Chính ƀư tơm rmôt kan mêt uănh mrô 1908 ndrel Bí thư Đảng uỷ Quốc hội, Kruanh Quốc hội Trần Thanh mẫn ƀư tơm rmôt kan mêt uănh mrô 1910. Nkô̆ nau mêt uănh rgum tâm ăp nau kan, kơt: Kan rgum nau ntrŭnh mrô 18, lơ 25/10/2017 bah Rnâng kan rđau kan Trung ương Đảng gưl XII “Du đê̆ nau kan mpeh nau lŏ rgâl mhe, dăp rgum ntŭk kan bah ntrong chính trị gleh, nâp, pah kan săk tam, geh tam” ndrel nau ntrŭnh mrô 121 lơ 24/1/2025 bah Rnâng kan rđau kan Rđau kan Trung ương Đảng mpeh nau ntrŭnh mrô 18.

Geh nsum ma nau ndâk ndrel pah kan bah ăp đảng bộ mhe. Ntoh nau tâm nar rƀŭn, Thủ tướng Chính phủ Phạm Minh Chính mbơh, gay dơi ƀư nau rđau đă aơ, Thủ tướng Phạm Minh Chính kŏ n’hao nau mêt uănh lor. Tâm nê, Đảng uỷ ăp ntŭk kan bah Chính phủ ân ndal mêt uănh, mbơh rgum tŭng nau đă bah Đảng uỷ ăp ntŭk kan bah Chính phủ mêt uănh, mbơh nau đă nau ntrŭnh mêt uănh, njoăl ăp nŭih kan nsum bah rmôt mêt uănh. Thủ tướng ŭch, ăp đảng bộ bah Đảng uỷ Quốc hội, rmôt kan Chính phủ ƀư ngăch, gleh, geh nau tam, tâm di nau ntrŭnh./.