Kêng măng 4/3, Rmôt uănh nđôi mrô 1922 bah Bộ Chính trị lĕ pah kan đah Ban Thường vụ N’gor ủy Dak Lak n’hanh mbơh nău ntrŭnh uănh nđôi năm 2025 mpeh ƀư tĭng ăp nghị quyết n’hanh ntĭm đă khlay bah Trung ương. Rmôt yor wa Trần Việt Trường, Groi Kruanh Ủy ban Trung ương Mặt trận Tổ quốc Việt Nam ƀư Groi kruanh rmôt lĕ mbơh uănh nđôi mpeh 4 nău geh tât nău mbơh ƀư tĭng Nghị quyết mrô 18, N’glôn jêh mrô 121 mpeh rgâl mhe n’gâng kan ƀĭt joet;

Ntĭm đă mrô 35 mpeh đại hội đảng bộ ăp gưl; Nghị quyết mrô 57 mpeh hun hao khoa học, công nghệ n’hanh rgâl mrô n’hanh N’glôn jêh mrô 123 mpeh hun hao wăng sa-rêh jêng năm 2025 đah nău rƀŏng hao jêng geh 8% let lơ. Năm bah năp, n’gor Dak Lak lĕ mbơh ƀư âk trong mkra dơh ngăch n’gâng kan ƀĭt joet, n’hŭch 6 n’gâng kan, nău kan, 35 phòng ban gưl nkuăl n’hanh 283 thôn, ƀon. N’gor ntrôl dăng rgâl nkra hành chính, kơt dŏng công nghệ thông tin n’hanh rgâl mrô gay nta dơh an hun hao. Đah nău ŭch hao jêng wăng sa 8% năm 2025, Dak Lak dôl kơp uănh tay nuĭh kan, dôh rklaih ntŭk kol n’hanh rgâl nkra ăp rnoh an wăng sa-rêh jêng.