Kêng măng 20/9, N’gâng kan nkoch mbơh nau n’gor Dak Lak tâm rgop nsum ma N’gâng kan đăp mpăn mbơh nau, N’gâng kan mbơh nau, ƀư rƀŭn nchră “Ntĭm nti ƀư nau đăp mpăn nau mbơh tâm nkuăl Miền Trung-Tây Nguyên năm 2023”. Tâm rnôk nytĭm nti neh dak ƀư ntơm lơ 21/8 tât 1/9 bah 8 n’gor tâm nkuăl Miền Trung-Tây Nguyên hŏ saơ geh 280 ntrong luh nau, tâm nê geh 202 ntrong luh nau geh nau khuch ngăn, âk rlau n’gul rđil ăp nau luh geh saơ tâm ăp rơh ntĭm nti tâm năm 2022. Nau aơ ân saơ, ăp rơh lơh mạng nar lơn ma âk, rnoh ƀư khuch tih jêr ndrel khuch nar lơn hao.

Rmôt nŭih mât đăp mpăn mạng ôp nau blau ndrel nau ƀư ân geh lăp ndrel n’hao prêh. Tâm nchră ƀư lơh njrăng lah 1 tâm âk nau kan tam ngăn tâm nau n’hao nau blau ân rmôt mât đăp mpăn ăp nau ƀư nau kan gay nâp nau mbơh tâm mạng ndrel rdâng ƀư nau khuch tât aơ. Nau ntĭm mbơh ƀư nau njrăng rdâng mât đăp mpăn nau mbơh nkuăl Miền Trung-Tây Nguyên năm 2023 geh tâm 5 nar. Nŭih hăn ntĭm nti ntrong mbơh nau dôl geh ƀư ta Dak Lak./.