Rnâng kan rđau kan njrăng rdâng trôk nar lơh ndrel kơl an nŭih tât khuch nkuăl M’drak hŏ ntrơn du ndal 4 ngih ƀon lan tâm ƀon Thi, xã Ea Trang tât ntŭk gŭ đăp mpăn jêh rluh neh tâm kêng măng 22/10. Nkô̆ lah yor nkuăl geh mih têh jŏ jong ƀư neh tâm yôk rluh jur ƀư brôi tơm tăm ndrel ngih ân ndeh bah ƀon lan. Lap lah mô geh nau khuch tât kon nŭih. Rnâng kan rđau kan njrăng rdâng trôk nar lơh ndrel joi kơl an nŭih tât khuch bah xã geh tât năn, kơl an 4 rnăk, 15 nŭih tât ntŭk gŭ đăp mpăn.

Rnâng kan njrăng rdâng trôk nar lơh ndrel joi kơl nŭih tât khuch tâm nkuăl Mdrak, n’gor Dak Lak hŏ hăn mêt uănh ngăn ndrel đă xã đăp mpăn ndoh ndơ dŏng ân ăp rnăk ƀon lan geh ntrơn hăn ndrel geh nau ntrơn leo ăp rnăk tâm nkuăl mra geh rluh neh tât ntŭk gŭ đăp mpăn lor ma tât ntŭk mih dak lip mrô 6 tât khuch, der khuch tât kon nŭih./.