Mpeh trong kan dak si, Thủ tướng đă an nău rêh, săk soan nuĭh ji n'hanh nău geh bah nuĭh ƀon lan lor bôk năp; mô an ntŭk but săm ji mô tŏng ndơ dŏng, nuĭh ƀon lan mô tŏng dak si yor wăk kol mpeh trong ƀư. Thủ tướng đă kơp uănh, rgâl nkra ăp nău ntrŭnh geh tât mât uănh ndơ dŏng kan dak si, dak si săm ji; koh n'hŭch ntŭk ƀư ndranh mpeh tăch rgâl, n'hŭch prăk dŏng bôk năp, rnoh khlay dak si n'hanh ndơ dŏng kan dak si, nkre đăp mpăn uĕh nâp n'hanh săk rnglăy rvăt năp. Thủ tướng hôm đă ndâk njêng trong ƀư kloh rvah, mbơh kloh, uănh nđôi săk rnglăy, mô an cán bộ klach nău kan, mô nănh ntrŭnh, nkre nking n'gang nău dŏng trong kơl gay sŏk soăy. Nău ŭch tât n'glĕ dŭt lah đăp mpăn nuĭh ƀon lan dơi tât dak si n'hanh ndơ dŏng kan dak si uĕh, đah prăk dŏng tâm di, rgop n'hao uĕh but uănh, săm ji.