Dơn nău jă bah Viện trưởng Viện Kiểm sát nhân dân Tối cao Trung Quốc Ưng Dũng (Ying Yong), Mpôl đại biểu Viện kiểm sát nhân dân gưl prêh Việt Nam yor Viện trưởng Viện kiểm sat nhân dân gưl prêh Nguyễn Huy Tiến ƀư kruanh mpôl lĕ geh rơh khâl n’hanh pah kan ta Bắc Kinh, Trung Quốc bah lơ 17-18/2/2025.

Tâm trôm rơh khâl, đồng chí Nguyễn Huy Tiến n’hanh mpôl pah kan lĕ tâm ôp tâm ngơi đồng chí Trần Văn Thanh, Bí thư Ủy ban Chính phủ Trung ương Đảng Cộng sản Trung Quốc; rgum nchră đah đồng chí Ưng Dũng, Viện trưởng VKSND gưl prêh Trung Quốc; rgum nchră đah đồng chí Trương Quân, Chánh Tòa án nhân dân gưl prêh Trung Quốc. Ntoh ngơi ta rơhj rgum nchră đah đồng chí Ưng Dũng, Viện trưởng Viện Kiểm sát nhân dân gưl prêh Trung Quốc, đồng chí Nguyễn Huy Tiến nkoch mpŏng ŭch rơh khâl aơ lah du nău dŭt n’hâm khlay, ƀư tĭng tâm rnôk hun hao, jŏ jong, nâp nâl tâm boh kan ndrel dăch dêh n’hanh kan ndrel njrăng n’gang nuĭh tih đah Viện kiểm sát nhân dân gưl prêh 2 dak.