Kêng măng 13/10, Mpôl groi nđôi bah Ban Kinh tế Trung ương tă bah wa Nguyễn Hồng Sơn, Groi kruanh ban Kinh tế Trung ương ƀư kruanh mpôl leo hăn hŏ geh rơh pah kan đah Rnâng kan Tỉnh uỷ Dak Lak. Mpôl hăn hŏ mbơh n’glêh an n’hanh uănh an dŏng trong nchrăp groi nđôi pah kan rđău đă, nchŏng leo n’hanh tĭng ƀư nău n’glôch jêh mbrô 67/2019 bah Bộ Chính trị mpeh rdâk njêng n’hanh hun hao nkual ƀon têh Buôn Ma Thuột tât năm 2030, uănh ngai 2045.

Tĭng nău n’glêh an, Mpôl groi nđôi bah Ban Kinh tế Trung ương mbra tĭng ƀư hăn groi nđôi tâm 45 nar, đah 6 nhih pah kan geh tât, gay uănh năl  du trong lam lĕ rngôch lôch jêh tĭng ƀư, nchŏng luh nău dơh uĕh, mpăng đêt jêng tât nkô̆ nchiăng khan,  jêr jŏt kŏ kol lôch 4 năm tĭng ƀư nău n’glôch jêh mbrô 67-2019 KL/TW bah Bộ Chính trị mpeh “Rdâk njêng n’hanh hun hao nkual ƀon têh Buôn Ma Thuột, n’gor  Dak Lak tât năm 2030, uănh ngai tât năm 2045”. Ntơm bah nê, dăn đă ăp trong nkra gay droh rklaih ăp jêr jŏt, kŏ kol tĭng ƀư geh nău dơi nău dơn kan ma siƀŭt n’glôch jêh 67 hŏ ndơ̆ luh./.