Mpôl Ủy ban Tâm boh dak bah dih bah Quốc hội Đan Mạch, tă bah Chủ nhiệm Ủy ban Michael Aastrup Jensen leo hăn, dôl gŭ khâl ngăn Việt Nam ntơm bah nar 3-6/3/2025. Tĭng wa Jensen, nău ŭch hăn khâl dja lah  gay joi trong tâm dâl nău jru hvi mpeh trong kan tâm boh dak bah dih n’hanh rnă njrăng tâm ban kơt n’hao dăng tâm boh đah quốc hội bar dak tâm rnôk nô nău tâm pit neh ntu chính trị dôl rgâl dŭt ngăch.

Tâm trong hăn khâl dja, Ủy ban tâm boh dak bah dih bah Quốc hội Đan Mạch mâp n’hanh tâm ôp đah ăp kruanh rđău kan Quốc hội n’hanh Chính phủ Việt Nam mpeh ăp nkô̆ nău chính trị, trong nchrăp tâm boh dak bah dih n’hanh rnă njrăng tâm ban kơt tâm nchră trong tâm boh lhăt lơn đŏng đah quốc hội bar dak tâm ăp trong kan ma bar ding ndrel uănh khlay. Nar 3/3, mpôl Ủy ban trong kan tâm boh dak bah dih Đan Mạch hŏ geh rơh hop đah Ủy ban Quốc phòng, rnă njrăng n’hanh tâm boh dak bah dih Quốc hội Việt Nam. Ta rơh hop dja, bar ding rgum tâm nchră nô nău lam ntŭr neh n’hanh nkual, ăp nkô̆ âk ding, pháp luật dak bah dih, ăp tâm boh Việt Nam-Đan Mạch n’hanh Việt Nam-EU.