Đah nkô̆ nau “N’hao nau dăng tâm trôm, njêng nau nsôih ân hun hao nâp nâl”, tâm nchră Văng sa-rêh jêng Việt Nam năm 2023 geh tâm lơ 19/9, ta ntŭk ngih rbŭn rgum neh dak, Hà Nội. Tâm rnôk nau kan văng sa, rêh jêng hôm âk nau jêr kơt rnôk aơ, nau tâm nchră geh mpong lah ƀư ueh nau mĭn, nau nsôih, nau kan bah rhiăng nŭih kan, khoa học, ntŭk ƀư kan tăch rgâl tâm ndrel bah dih dak ndrel ntoh măt Quốc hội “kơl mbơh nau”, ăp nau kan gay ma hun hao nau dơi tâm trôm, njêng nau nsôih ân nau hun hao nâp nâl.

Nau tâm nchră lah rnôk uănh, nchră ăp ntil nau kan tâm lam ntur neh ndrel tâm dak, ngăn lah ăp nau ê dơi, nau jêr, nau nkol, tă bah nê nchrăp luh nau dơi gay ma rdâng đah nau mhe, njêng ăp nau dơi hun hao nâp nâl. Tâm nchră lah rnôk gay nkoch nau, Quốc hội, Chính phủ, ăp ntŭk kan mât ngih dak mro hăn ndrel đah ntŭk kan tăch rgâl ƀư ăp nkô̆ nau ndâk hun hao ndrel ăp nau nkol bah ntŭk tăch gay dơi geh nau dơi nsum nchrăp luh tâm nau hun hao văng sa, rêh jêng./.