Nău nchrăp ntuh kơl rdâk ƀư trong têh Khánh Hòa- Buôn Ma Thuột geh lĕ nău jong rlău 117km. Tâm nĕ, ntŭk hăn let n’gor Khánh Hòa jong 32,7km, đah lĕ rnoh ntuh kơl rlău 5.600 rmen prăk.

Nău nchrăp kan geh ƀư ta n’gul khay 6/2023, nchrăp an dŏng ta năm 2026. Ăp ntŭk  kan dôl geh kuĭh kuai ta ăp ntŭk lĕ lôch ntrơn. Tât aƀaơ, prăk ntuh ƀư nău nchrăp kan ntŭk hăn let n’gor Khánh Hòa lĕ pă prăk geh 71,8% nău nchrăp ngluh mbơh ta năm 2023. Gay ma mbơh ƀư nău kan, an geh rnoh neh ntrơn klâp ma 230 ha đah 970 ntŭk geh khuch. Nău kan geh bơi tât 23 ha rnoh neh bri an geh rgâl ăp rnoh tơm si jêng ƀư ăp nău kan êng gay ma ƀư trong.