Kêng măng 2/10, ta Hà Nội, N’gâng kan công an ƀư rƀŭn mbơh nau tă dơi geh mpeh nau kan Công an tâm 3 khay, ntrŭnh nau kan tâm 3 khay dŭt năm ndrel rklaih âk nau ma ƀon lan uănh njrăng. Tâm 3 khay, rmôt công an hŏ joi uănh, lơh rklaih rlau 10 rbăn nau tih dôih đăp mpăn nau rêh, lơh 24 rmôt phung tih dôih, rklaih bơi tât 20 rbăn nŭih. Rmôt công an hŏ rgum ntrŭt dăng ngăch nau mêt unăh ăp nau kan tât văng sa, sa khâm yor N’gâng kan rđau kan Trung ương mpeh nau njrăng, rdâng sa khâm, tih dôih ndrel uănh tĭng ndrel rđau đă.

Tâm 3 khay, saơ 197 nau tih, đah 435 nŭih tih mpeh nau sa khâm ndrel ƀư kan. Nkre n’gâng kan Công an kŏ ƀư rjăp ăp nau rđau đă bah Chính Phủ mpeh nau kan njrăng rdâng ŭnh sa ndrel kơl an nŭih tât khuch. N’gâng kan hŏ rđau đă N’gâng kan công an ăp rmôt, ăp nkuăl n’hao nau mât đăp mpăn njrăng rdâng nh sa ndrel kơl an nŭih tât khuch ân “chung cư mini”, ngih gŭ geh rnoh nŭih âk./.