ôi lơ 17/10, Ủy ban rnâng kan Quốc hội an tâm rgop ta nău mbơh tơih nchrăp an rơh rƀŭn nchră tal 6, Quốc hội khóa 15. Tổng thư ký Quốc hội, kruanh ntŭk kan Quốc hội Bùi Văn Cường an gĭt, nchroh lĕ mông nar pah kan bâh Quốc hội lah 22 nar, ntơm pơk ta nar 23/10 n’hanh nchrăp nglôch lôch ta ôi lơ 29/11.

Quốc hội mbra rgum ta ntŭk kan Quốc hội n’hanh ƀư tĭng 2 rơh. Nglôch lôch rơh rƀŭn nchră 27, kruanh Quốc hội Vương Đình Huệ lah na nê̆, tât rnôk aơ ăp nău kan nchrăp an rơh rƀŭn nchră tal 6 lĕ ƀư lôch, mbra nchrăp an rơh rƀŭn nchră tal 6. Kruanh Quốc hội đă ăp ntŭk kan geh kan ngăch ndăn ƀư lôch ăp ntil sƀ ăp nkô̆ nău rơh rƀŭn nchră gay ma njoăl tât đại biểu Quốc hội. Nkre lah, nchrăp tŏng ăp, na nê̆ ăp nău mât đăp mpăn, tâm nĕ uănh khlăy nău kan mbơh nău mhe, ntŭk kan mbơh nău, ăp nău dơh nơih mpeh ndơ dŏng, rnă njrăng, mât đăp mpăn gay ma kơl ueh an rơh rƀŭn nchră tât tay.