Rơh bôk năp n’gor Dak Lak ƀư rƀŭn nchră tâm rnglăp nchră nău bah dih đah kruanh n’gor n’hanh đại biểu râng Đại hội rnoi mpôl đêt gưl n’gor. Nău mbơh aơ dơi nkoch ta rơh rƀŭn mbơh Đại hội đại biểu ăp rnoi mpôl đêt n’gor Dak Lak rơh tal 4, năm 2024 ƀư kêng măng nđaơ (18/10).

Đại hội đại biểu ăp rnoi mpôl đêt Dak Lak rơh tal 4, năm 2024 mbra ƀư tâm 2 nar 24-25/10 tât ta nkual ƀon têh Buôn Ma Thuột, đah bôk nău “Nuĭh ƀon lan ăp rnoi mpôl đêt n’gor Dak Lak tâm rnglăp, rgâl mĭn njêng mhe, mât uĕh nău dơh, nău geh, rgum lăp n’hanh hun hao nâp nâl”. Nchrăp geh rlău 300 đại biểu râng, tâm nĕ geh 250 đại biểu na nê̆, ntoh măt an rlău 715 rbăn nuĭh rnoi mpôl đêt tâm 49 rnoi nuĭh aƀaơ dôl rêh, nti n’hanh pah kan ta n’gor Dak Lak.