Ôi 18/10, n’gor uỷ Kon Tum ƀư rƀŭn mbơh nau tă geh bah rơh rƀŭn Trung ương 8, gưl XIII ndrel mbơh, ntrŭnh du đê̆ nau ntrŭnh, nau rđau bah Đảng. Geh ƀư đah nau kan trực tuyến đah ntŭk tâm mbơh ngơi tâm ngih rƀŭn Ngọc Linh, tâm nkuăl ƀon têh Kon Tum, rơh rƀŭn mbơh nau tă geh bah rơh rƀŭn Trung ương 8, gưl XIII ndrel mbơh, ntrŭnh du đê̆ nau ntrŭnh, nau rđau bah Đảng yor n’gor uỷ Kon Tum ƀư nthoi ma 128 ntŭk ƀoh ngơi, đah nau râng bah rlau 6.300 đảng viên.

Tâm rơh rƀŭn, ăp đảng viên djăt nau mbơh mpeh nau tă geh bah rơh rƀŭn Trung ương 8, gưl XIII. Ndrel ma nê, lơ 13/7/2023 bah Bộ chính trị mpeh nau đăp mpăn nâp nâl neh dak tâm rnôk tâm rnglăp ma lam ntur neh ăp ntil, jru hvi, Nau ntrŭnh mrô 41, lơ 10/10/2023 bah Bộ chính trị mpeh nau ndâk njêng ndrel hun hao nau kan bah rmôt nŭih ƀư kan tăch rgâl Việt Nam tâm rnôk mhe. Đảng bộ n’gor Kon Tum rnôk aơ geh 14 Đảng bộ đah 668 ntŭk kan Đảng ndrel rlau 31 rbăn đảng viên./.