Kêng măng 26/9, ta nkual ƀon têh Kon Tum, Mpôl đại biểu gưl prêh 2 n’gor Kon Tum n’hanh Chăm-pa-sắc (dak Lào) lĕ ƀư uănh lah săk rnglăy kan ndrel lvang bah năp n’hanh ký sam ƀŭt nkah gĭt mpeh kan ndrel năm tât. Năm bah năp, 2 n’gor tâm rgop ndrel, râng dŭt n’hâm ăp nău ƀư yor Chính phủ 2 dak ƀư; ăp nău ƀư boăt nthoi, tăch rgâl, ntrŭt ngăch ntuh kơl.

Kon Tum lĕ an prăk kơl hăn ntĭm nti Đại học an 15 kon hŏk n’gor Chăm-pa-sắc; ntop kơl rnăk ach o n’gor Chăm-pa-sắc wơt Tết way ơm Bun Py-may; n’gor Chăm-Pa-sắc nta an ntop kơl n’gor Kon Tum tâm trong kan joi, rgum, djôt sĭt nting tahen kơl kan n’hanh nuĭh way kan Việt Nam khĭt tâm ăp rơh tâm lơh tâm su. Năm tât, 2 n’gor Kon Tum n’hanh Chăm-pa-sắc ntrôl tay, nta nơih an ăp n’gâng kan nău kan, ƀon lan 2 ding ndâk njêng tâm boh dăch dêh kan ndrel; tâm ban ŭch ntrôl dăng boăt nthoi pâl nđaih đah 2 n’gor; n’gor Kon Tum ntop kơl tay 10 nklâm prăk kơl ntĭm nti Đại học n’hanh 5 nklâm prăk kơl nti trung cấp lý luận chính trị an n’gor Chăm-pa-sắc.