Rƀŏng tât di nkah 50 năm rklaih đăp mpăn lĕ miền Nam, tâm ban neh dak, kêng măng naơ 3/3, Học viện Chính trị-N’gâng kan neh dak tâm rgop nsum ma UBND n’gor Dak Nông ƀư tâm nchră khoa học “Nau dơi Đức Lập-n’gul rach năm uănh tay” đah nau râng bah âk nŭih blau nau kan, nŭih kan khoa học lịch sử, ăp nŭih ơm bah kăl e. Lơ 9/3/1975, đah nau rđau kan bah Đảng, ma ngăn lah Quân uỷ Trung ương, N’gâng kan neh dak, Bộ Tư lệnh nau tâm lơh bah Tây Nguyên, tahen ndrel ƀon lan nơm hŏ tâm rgop, lơh, rklaih đăp mpăn Đức Lập.

Tĭng ăp ntoh măt râng nchră, 50 năm rlau aơ, yơn nau dơi Đức Lập tât rnôk aơ hôm geh nau khlay ndrel ân ba kơi âk nau blau ueh khlay tâm nau mât neh dak. Nkre lah, lơh dơi Đức Lập hôm lah nau rhơn, nau nsôih têh gay Đảng bộ, n’gâng kan ndrel ƀon lan n’gor Dak Nông tâm rnglăp, tâm ban, nsôih rlet nau jêr, ntul rlong ndâk nkuăl nar lơn hun hao, sâm geh./.